يا شعبى الحبيب
طظ فيك
أنى اتحدث اليكم اليوم
داهيه تاخدكم
لنتاقش بديموقراطيه عن احوال الوطن الغالى
ومش عاوز اسمع صوت كلب فيكم
ان سفينه الوطن تموج فى بحر الظلمات
يا لطيف اللطف يا رب
وأنا أسعى جاهدا للوصول لبر الامان
مش عاوز أموت فى عز شبابى علشان شويه اوغاش زيكم
ومنذ أن توليت المسؤليه
السبوبه يعنى
وأنا أحاول أن أنهض بأحوال الشعب
جاتكوا البلاوى مليتوا البلد
والبلد كانت فى أسوء حال فى أول فتره لى
يعنى على الطوب الاحمر
وكانت البنيه التحتيه منهاره
جاتكوا الهم بلد زباله
وقمت بأنشاء خطوط الصرف الصحى بطول البلد
يعنى تفكوا زنقتكوا براحتكوا
وكان شعار المرحله
كنيف لكل مواطن
وأصبحنا الان بحمامات سوبر لوكس
وهذا طبعا بفضلى عليكم
وطى يا واد بوس أيد سيدك
وأنشأنا خطوط للمترو
وأفتتحت بنفسى اول خط له
سيرى يا نورماندى على بركه الله
وطورنا شبكه التليفونات الارضيه
وأتكلم ارضى يا أبن بلدى يا كلب غصب عن عين أهلك
وأصبح فى يد كل منكم محنول
ومن موقعى هذا احب اشكر الصين الشقيقه
والتى اتاحت المحنول لكل مواطن
عاوزين ايه تانى
اما شعب نمرود صحيح
تاكلوا وتنكروا
يعنى اقطع روحى
ولا أنتم ما يملاش عينكم غير التراب
وحتى نلتقى فى حديث قادم
لى طلب بسيط لديكم
كل واحد يحط الجزمه فى بوقو ما اسمعش نفس
انا مش عاوز صداع
عاوز اقييل ساعتين العصارى
جاتكوا الهم شعب نكدى
ويلا غورو
والى ان نلتقى
تذكروا
رجالتى حواليكوا فى كل حته
وانتم فى قلبى
يلا فى داهيه
.
من ريسكوا حبيبكوا
.
غصب عنكوا
.
R.W
............................
هناك 26 تعليقًا:
هههههههههههههههههههههههههههههههه
أتعبتني ضحكاً والله
زي ما انا حاسة ان كل ريس يقول كده
ربنل يفرحك يا رامي على اللي كتبته ده
ماعرفش اقول ايه لسه باضحك
ايه ده؟؟؟؟يعنى انا فى اول زياره الاقى طظ فيكو:)
بس انا عاوزه اعرف مين اللى بيتكلم بس وبعدين مين اللى فى ع شبابه ده انت طبعا صح...:)
طيب بما انك تعبت وعملت تواليت(مش هعرف اقول الكلمه بتاعتك دى انا بنت ناس ههههههههههههه
المهم فبعد التوليتات اللى انت عملتها احب اقولك سياده الرئيس الشعب متمثل فيا قررت تطبيق مقوله:
انسف حمامك القديم..الحق استخبى باه :)
هههههههههههه حلو البوست دة اوي
بالروح بالدم نفديك يا ريييييس
هههههههههههههه..هشتكنا وبشتكنا يا ريس
ده أنت رئيس والنعمة مهيس..يا مدلعنا يا مشخعلنا..قول عدوك روح اتنيل
:)
ميه ميه يا باشا
تحياتي
جميل يا رامى
بس اعذرنى الطبخة بازت منك المرة ديه
محتاج شوية بهارات
انا مش بحب اجامل عمال على بطال
بس بجد حلوة
بس ناقصها شوية تسبيك
مـريـم الـزيـانـي
منوره يا مريم
والحمد لله ان ما اكتبه ادخل عليك السرور والضحك
منوره المدونه يا مريم
الشعب لابد له من حكومه تشكمه
منوره المدونه يا يشمو
اول زياره ليكى
ويا رب متنكونش اخر زياره
وانسف حمامك القديم
ده انتى زى حالاتى فى الاعلانات القديمه
بتاع لوكس
وانتظرى باقى الرسائل
منوره المدونه
مواطن مصري
منور المدونه
واهو شويه تهييس
منكم نستفيد
المعلم محمد صاحب المطعم
منور يا معلم محمد
بس شعار الريس دلوقتى مش بالروح بالدك نفديك يا ريس بس
ونفدى ابنك كمان
micheal
منور يا مايكل
ودول شويه هشته من الريس لشعبه
حقه برضه يا جداعن
وهشتكنا اكتر هشتكنا
بدراوى
عندك حق والله يا بدراوى
بس المشكله انى كتبت الرساله على الريع
علشان كان عندى امتحان تانى يوم
ومنتش فى المود
بس متخفش
فى الرسائل القادمه باذن الله
منوره المدونه
وشكرا لنصيحه الغاليه
السلام عليكم
عسل يارامى والله
أضحكتنى يافتى
ودمت ناقداً باسماً
رغم الهم والغم
والكرب العظيم
واحد من العمال
منور يا بلدياتى يا جامد
وشكرا على كلامك الجميل
فى انتظارك دئما
منور المدونه
طبعا مش هاعلق
عشان الجزمة فى بوئى و مش عارفة اتكلم
بس بوست تحففففففففة
يا ترى الرسالة التانية كدا بردوا
لالالالالا
حاجة عظمة خالص
دمت بود
و الله ما حد بقى عارف العيب في مين بظبط .... في الحاكم و لا في الشعب .
على رأيك احمد مطر
الفرد في بلادنا .. مواطن .. سلطان
ليس لدينا انسان
Soul.o0o.Whisper
انتى لسه شفتى حاجه
ده الريس لسه حيسخن فى الرسايل الجايه
وناوى يتكلم بصراحه حبتين
منوره المدونه دايما
عبد من عباد الله
منور المدونه
ويا رب تكون عجبتك
والعيب فى الاتنين
الشعب اللى ساكت والرئيس اللى نايم
ربنا يهدى الاتنين
دي رساله اولي و فيه غيرها و للا ايه
هيقول ايه بعد اللي قاله
ذو النون المصري
انت عاوز انجازات 30 سنه فى رسال واحده
لسه التقيل ورا
تسلم تمردددددددددددددددددددددد
هههههههههههههههههههه
تحيا مصر ياعم
عندنا فضائيه
عندنا فضائيه
البلد بلدنا ونعمل اللي عايزينه يا عم الحج
لا دا لسان حال الرئيس
بيقول كده
دمك عسل يا باشا
ربنا يوفقك
تحياتي
( ابو العريف )
الزعيم والقائد والثوره
يخليه لنا ويخلي جميع الزعماء
اللهم خلي لينا كل الزعماء
اللهم اخرب بيتنا احنا يا شيخ
اللهم ما موت الشعوب كلها في يوم واحد
علشان الزعماء يصحوا الصبح ميلاقوش حد يحكموه D:
يجيبوا عقد عمل يروحوا السعوديه بقى D:
احنا ولاد ... احنا بنضايق الزعماء وبنعكنن عليهم
هما فاضيين لينا الناس دي !!!!
الألبون نزل يا باشا
أي خدعة
:)
تحياتي
ياعم
هى محتاجة رسايل يعنى؟
بلانيلة
تقبل مرورى
السلام عليكم
عقبال ما ريسنا يعملنا حاجةهوالاخر
جتو وكسه ميشوف مبارك مدلع شعبو ازاي ويتعلم
ولا اقلكو
بعيد الشر
مش عاوزين الحمامات خلاص
هههههههههه
إرسال تعليق