قالوا قديما
قد بلغ السيل الزبى
وطبقا للتطورات الطبيعيه للحاجه الساقعه
قد انقلب المثل الى
قد بلغت الفانتا اخر المج
وهذا التعبير يصلح حاليا للاسنخدام دون استشاره طبيب بين الشباب الكول
عندما يريد ان ينهى حوار لا فائده منه وزاد عن الحد
وبما انى شاب كوول
راجع موضوع
عاوز انحرف
فأحب ان افتتح استخدم المثل
واقص الشريط
وانا لله كده احب اقص
علشان اخلى ابويا الحاج يفرح بيا فى الكفر ويقول
الواد مسك المقص
المهم
لقد بلغت الفانتا اخر المج يا ريس
اظن كفايه لغايه كده
وخلينا حلوين مع بعض
وعلى رأى اعلانات المخدرات
محدش حيسألك انت مين
ولا وديت فلوس الشعب فين
اللى ماتوا فى عهدك الميمون " وده القرد بتاع شنبونجوا "
اكتر من اللى ماتوا فى عهد عبد الناصر والسادات مع بعض
اظن كفايه كده
وشكرا على مجهودك العظيم فى تحديد النسل
لولا مجهودك انت ورجالتك
كان زمانا 200 مليون
كتر خيرك بجد
وبلاش نقلب فى المواجع
ونجيب الدفاتر القديمه
غور ياض
.
هناك 26 تعليقًا:
الاواااااااااااااااااااااااال
غور ياض
ايه النهايه السعيده دى
افحمتنى
انا بشكر السيد الرئيس وبقوله
مجنا لسه فيه حتا
صب ياباشا
ادلق ياباشا
عشان عمرنا ما هنقولك
فين تاريخ الصلاحيه
بقول ايه
هو البوليس بيقبض على المدونين
السلام عليكم
ليك رامي هيك ما بينفع
حضرتو حاجز 4 مقاعد
على العموم
اسمع اذا اسمك رامي بجد وانت من كفر الزيات
فاهرب احسنلك
والله خايفة عليك
ولا هي كلمة غور ياض لحد تاني؟
لكن هو الله ياخدو
ويغور في ستين مليون داهية
شو عملك وقلب عليك المواجع؟
حلوه يارامى
مصطلح
قد بلغت الفانتا أخر المج
جديده
ومبروك عليك قص الشريط
وبعدين انت زعلان ليه
كده متبقاش عشرى
تحياتى
THE illusionist
منورنى اول وتانى وتالت
بس انت كده مش معاك مج
ده شوب عصير قصب يا باشا
وطبعا البوليس بيقبض على المدونين
بس انا لسه موجود
والحمد لله
سمسم
منوره سما
بس للاسف
فى مصر
الشعب يتكلم كما يريد
والرئيس يفعل ما يريد
ولا حياه لمن ننادى
سمسم
كلمه غور ياض ليه هوا طبعا
بس ده لو لسه بيسمع
واحد من العمال
منور يا ابن بلدى يا جامد
كل ده ومش ابقى عشرى
انا اتولدت فى عهده
وبتمنى من الله الا يولد اولادى فى عهده كمان
منور المدونه
لقد بلغت الفانتا اخر المج
انا اول مره اسمعه هنا
مدونه كووووووول بقى
ماشي
ولو مليون فانتا في مليون مج
يبقى الوضع على ماهو عليه
بل للاسوء سيدي
غلطان يا رامى
اذ ان الفانتا لا تُشرب فى مج
و انما فى كوب
اذن فلغوياً من الأفضل ان تقول
لقد بلغ النسكافيه المج
او لقد بلغت الفارباتشينو المج
و هكذا
قولى بقى الفانتا ديه فانتا برتقال و لا لمون و لا تفاح
و لا ايه
؟!!
يانهار ابيض يارامى
اول ما اجى اخش عليك كدة
الاقى الريس فى وشى
وغور ياض على طول
ويعدين الريس لازم يعمل مايريد
مش اشترى الارض يقسمها بقى زى ما هو عايز
ايه دة يا رامي بتقوله غور مرة وحدة
دي الفانتا مبلغتش اخر المج دي فارت و بهدلت الدنيا
مكنت تكبر المج يا رامي احسن من النهاية دي
استحمل يا ابني اصل صلاحية الريس متنتهيش
زي الموبينيل صلاحية مدى الحياة
بس متنساش تعمل مكالمة ولا تبعت مسج كل 3 شهور
ازيك يا رامي
بص يا رامي اولا معتقدش ان سيادة الرئيس بيحب الفانتا
فعشان كده غير !
ما علينا بيتهيالي انت عارف التغيير بيجي ازاي !
انسي يا عمرو !
فعلا يا معلم
قد بلغت الفانتا اخر المج
وادلدق منه عالطربيزه كمان
لست معك في هذا السب المقذع لعلك تقصد عيلا بجوارك أو لعلك كنت واقفا في الطابونة فداسك أحدهم بحذائه فقلت له وأنت ممسكا بتلابيبه غور ياض ... مثل عبقري لم لجأت إلى الفانتا بالتحديد؟ لم لم تقل مثلا لقد طفح البكابورت حتى غطى رأس الدش . أو استفرغ الرجل حتى اندلقت أمعاؤه. أو أي شيء آخر مقزز لكن البوست في عمومه رائع وليتك تقص بالمقص إياه تلك النهاية الغريبة التي تودي في داهية خليها نهاية سعيدة زي نهايات أفلام إسماعيل ياسين أو عبد الحليم حافظ شكرا لك .
ههههههههههههههههههههههههههههههههه..حلوة غور ياض دي
زي ما أنت قلت كله عشان تحديد النسل
:)
عبارى-قطارات-مبيدات مسرطنة
حنفتري ع الناس
عجبط طيب الزحمة اللي بقينا فيها
صديقى رامى
حبيب فلبى مثل جميل اوى وبجد واقعى جدا
بجد ربنا يكملنا على خير
تحياتى صديقى
أخي وصديقي يسعدني تعليقك ويشرفني زيارتك وإنه لكرم منك أن تجعلني من بين الأصدقاء وبالمناسبة أنا رجل وأنا بيرم المصري وصاحب مدونة كرباج سوداني لك تحياتي ومعذرة للتأخير فأنا أتصل بمحافظة الشرقية لإملاء أبن أخي الرد عليكم ليكتبه نيابة عني ولك تحياتي .
عارف أنك مشغول بس مفتقد كتاباتك وجي أسلم عليك
السلام عليكم أنا بجد معاك جداااااااااااااااا وبقوله غووووور في ستين ألف داهية ياض خنقتنا وجزاك الله خير على المدونة الرائعة دي
صديقى الجميل
طمنى عليك انا كنت داخل اسلم
تحياتى
بعد التحية موضوع حلو بس الصورة مش كويسة وتحياتي لك ياريس
زي العسل يا رامي بس هوا ادمن التربح باموال الشعب وكذلك...خليه يغور بقي
إرسال تعليق