الواد حماده "النبى حارسه " شاب روش
بيلعب كمال اجسام لزوم الروشنه
وبيلبس طول السنه فانله نص كم علشان تبين العضله
قلت له يا حماده انت جاى منين
قالى جاى من الجيم
كان عندى تدريب مع الكابتن عضلات
قلت له طيب ايه اخبار الثقافه
بص لى بستغراب وقالى
ثقافه ايه
قلت له طيب بتقرأ ايه
ظهرت السعاده على وجهه وقال
بقرأ الفاتحه على روح جدى
قلت له وبس
قال لى لا
وجدتى كمان
قلت له طيب انت تعرف العقاد
قال آه
ده اسم شارع مشهور قوى
قلت له طيب تعرف احمد شوقى
!قالى ده اخوا محمد شوقى اللى كان بيلعب فى انجلترا
طيب مش بتقرأ كتب
قال لى واعمل بيها ايه
انا كده بييس قوى
وعن اذنك بقى
علشان انا فى الرست وحرجع التمرين تانى
ذهب للتدريب وتركنى اكاد انفجر من الغيظ
ولكن
وبعد تفكير عميق
وجد انه يتبع سياسه رائعه
ولها فوائد فى اكثر من اتجاه
اولا
هو لا يشغل نفسه بما يحدث فى البلد
اذن فهو غير مصاب بالسكر او الضغط او القلب
وهذا طبعا مفيد للصحه
ويوفر ثمن العلاج والمستشفيات
ثانيا
لا يرتدى غير الملابس الخفيفه صيفا وشتاء
لزوم المنظره
وهذا ايضا يوفر فى نفقات شراء الملابس الثقيله
ثالثا
بعد ان اصبح زى ضلفه الباب
محدش حيقدر يتعرض له فى خناقه
او فى مركز البوليس او حد من قطاع الطرق
فهو بكده يوفر على نفسه البهدله وقله القيمه ااى يتعرض لها المعارضين
رابعا
بيوفر ثمن الكتب والتى اصبحت لا تطاق
خامسا
انه واد cool
ومقطع السمكه وديلها
وعايش الدنيا بالطول والعرض
ومش شايل هم
ومدى الدنيا جزمه
والنوع ده هو اللى بيعمر لفوق ال80 سنه
زى صاحبنا
يبقى يوجع دماغه وقلبه ليه ويقرأ
يعنى هما اللى اتثقفوا اخدوا ايه غير وجع القلب والامراض
وبيتوكل بدرى بدرى
فوجدت الواد حماده عنده حق
مما جعلنى اقوم مسرعا لكى ألحق به
واخليه يتزسط عند الكابتن عضلات
علشان ادخل الجيم
واعمل bodybuilding
وادى الدنيا جزمه
وابقى شاب cool
محدش عاوز ييجى معايا الجيم
بقلمى
رامى واصل
هناك 6 تعليقات:
هههههههههه
اله عليك يا حاج
رائع من يومك
هم يضحك وهم يبكى
حسبنا الله ونعمة الوكيل
نورت يا حج محمد
كل إنسان من واقع البيئة اللى هو عايش فيها واللى بتأثر فيه بشكل كبير , بيرتب أولوياته
وزى ما وضحت يا رامى , حمادة بيهتم باللى هو شايف إنه هينفعه فى بيئته
ويمكن دور الإنسان اللى على قدر من الثقافة إنه يجتذب أى حد زى حمادة ما كانتش الفرصة متاحة له إنه يكون كده
وفى المقابل لازم الشخص المثقف , يدخل شوية فى عالم حمادة والجيم , علشان فعلا زى ما انت بتقول , هى دى الوسيلة اللى أظهرت جدارتها فى التعامل مع بعض الأوضاع اللى مش راضيين عنها , لكن مضطرين نتعامل معاها بشكل شبه يومى
رائع يرامي ربنا يديك الصحه والله شكل الشعب كله حيروح الجيم قريب
مقال في غايه الروعه
أنا حاجز معاك فى الجيم
بس الاشتراك كام ؟؟؟؟؟
ههههههههههههههههههههه
إرسال تعليق