الجمعة، 22 مايو 2009

توقعات انتخابيه




الانتخابات المصريه


من 2011 وحتى 2047




هذه هى احد الاحتمالات وليست الطريقه الوحيده للحكم الفتره القادمه


وهذا يتوقف على موافقه امريكا على التوريث



وعلى ما سيفعله الشعب المصرى خلال عامين

أعتقد ان الرئيس مبارك "اذا اطال الله عمره " حتى عام 2011 فهو لن يترشح للأنتخابات القادمه على مقعد الرئاسه, وسيترك الحكم وهو حى حتى لا يسقط النظام ولكن فى نفس الوقت وحتى لا تغضب العمه امريكا على النظام ورجاله على التوريث , ولانه لا يوجد احد من المصريين يريد انتخاب السيد جمال مبارك بأستثناء رؤساء تحرير الجرائد القوميه . لذلك فلابد من " محلل " يمسك الحكم لفتره رئاسيه واحده حتى يمنع الكلام عن التوريث . ولكن يجب ان تتوفر فيه عده شروط ومنها



ان يكون مضمون ولاءه للنظام ورجاله



كما يجب ان يكون لديه قبول من الشعب المصرى



ويجب ايضا ان يكون سنه كبير حتى لا يستطيع ترشيح نفسه اكثر من فتره واحده ويترك بعدها مقعد الرئاسه لانتخابات يأتى معها السيد جمال مبارك الى الحكم



واذا بحثنا عن رجل بمثل هذه المواصفات نجدها تنطبق على السيد عمر سليمان مدير المخابرات




فهو تخطى السبعين عاما


وله سيره ذاتيه كبيره ومشرفه فى مجال المخابرات



ويعتبر من انجح رجال المخابرات فى العالم



ويدين له الرئيس مبارك بحياته بعد ان انقذه من محاوله اغتياله فى اديس ابابا فى التسعينيات بعد ان اصر أن تسافر سياره مصفحه الى اثيوبيا لتنقل الرئيس هناك لوجود خطر على حياته




وكان رأيه صحيح وتعرض لمحاوله اغتيال وكان موجود فى عربه الرئيس اثناء اطلاق النار عليها



وكما ان سنه لا يسمح له بالترشح اكثر من فتره انتخاب واحده




وتوافق ايضا امريكا على توليه الرئاسه ولديه قبول لدى الشعب المصرى لتاريخه الطويل



وبالطبع تواجده سيسهل على السيد جمال مبارك مزاوله نشاطه المعتاد والاعداد لترشيح نفسه فى انتخابات عام 2017 منعا لموضوع التوريث الذى لا يقبله الشعب المصرى





وهذا ايضا سيجعل المعونات الامريكيه تأتى دون انقطاع ويظل الدعم المصرى للشقيقه اسبانيا والشقيقه اسرائيل فى قطاع الغاز ويظل الحال كما هو عليه حتى انتخابات عام 2047




هذا اذا ان النظام لا تزال لديه ورقه توت يحافظ بها على حيائه مع الشعب




اما اذا لم ينتفض الشعب



سيتم التوريث مباشره دون محلل ودون وسيط



عينى عينك يعنى





يدينا ويديكم طولة العمر والصبر على ما اصابنا




وارجع واقول




احنا اللى عملنا كده فى نفسنا



والسكوت علامه الرضا


.

هناك 25 تعليقًا:

Unknown يقول...

محلل ايه بس
حيجى يعنى حيجى
بالذوق بالعافية
جاى
و محدش حيتكلم
مع الأسف

Ramy Wasel يقول...

ده على حسب اذا كانت امريكا حتوافق ولا لا
ولو وافقت
يبقى جاى
والظاهر اننا حنفضل ساكتيين كتير

نورت المدونه بدراوى

Unknown يقول...

يا مسهل يا رب

انا عن نفسي برشح الرئيس مبارك مدي الحياة

حياتي انا طبعا !

اصل انا بقالي 22 سنة مولود و مشفتش غيره بقيت بحبه اكتر من اي حاجة تانية

Ramy Wasel يقول...

المعلم محمد
انا بقالى 23 سنه
ومولود فى حكمه
وخايف عيالى كمان يتولدوا فى حكمه
وولاد ولادى كمان
احنا معاك يا ريس الى اخر العمر
عمره هو طبعا
منورنى يا حج محمد

يوميات شاب منوفى يقول...

يارامى باشا جمال هيمسك من غير محلل ولا حاجة احنا اصلا شعب سلبى وهيعملوا الى هما عايزينة وسلملى على الديمقراطية

ذو النون المصري يقول...

انا شايف ان الكل مجمع علي ان جمال هيمسك من غير محلل
و انا كمان مع الاجماع بعقلي
لكن بقلبي اظن و اشعر ان هناك فيا لخفاء شخص متربص من الجيش سياتي و يخلصنا في الوقت المناسب
يارب تكون مشاعري صحيحه
جايز يكون ساكت زي السادات ما كان جنب ناصر ساكت و ظهرت قدراته الحقيقيه لما حكم مصر
الله اعلم

Ramy Wasel يقول...

شاب منوفى
اهلا بكل اهل المنوفيه علشان ختطر الرئيس السادات
وبخصوص جمال
لو امريكا رفضت التوريث
يبقى لازم محلل
اما لو وافقت
يبقى مفيش فايده

نورت المدونه

Ramy Wasel يقول...

ذو النون المصرى

وانا كمان عندى احساس ان جمال ممكن ييجى علطول
اما واحد من الجيش يتحرك
ده من رابع المستحيلات

Ramy Wasel يقول...

ذو النون المصرى

وانا كمان عندى احساس ان جمال ممكن ييجى علطول
اما واحد من الجيش يتحرك
ده من رابع المستحيلات

Unknown يقول...

انا دايما بدعيله

و بغني هشتكنا و بشتكنا يا ريس

Ramy Wasel يقول...

المعلم محمد
هو فى هشتكه اكتر من كده
مش عارف الاتوبيس السياحى الفاخر راح فين
ربنا يبعته
منور المدونه

رحلتنا في الحياة يقول...

تحليل منطقى فعلاااااااا وحتى ولو حصل يحضرنى مثل شعبى فى الموقف ده بس مش هقوله علشان الرقابة :)
بس بجد مش هتفرق يعنى البلد خربت من زمان

Ramy Wasel يقول...

فى مثل تانى
ضربوا الاعور على عينه
قا خربانه خربناه
بس بقى اعمى خلاص

منورانى ايوشه

عمرو جويلى يقول...

الأخ الكريم
سرنى مرورك الطيب
يا صديقى جمال هو الرئيس الفعلى للبلد
الآن وهيحصل إنتخابات صورية ف2011 وهيفوز جمال فى الإنتخابات وكله مطبوخ وجاهز على الأكل ولم لى على البلد
دمت بكل الود

Beram ElMasry يقول...

Ramy Wasel
اخي رامي موضوعاتك جميلة ولكن اعذرني فانا غير قادر علي القراءة فاطلب من ابنتي ان تقرأ لي بعض منها اتمنا لك التوفيق وان يجعلك من الشباب المستنير مثال لغيرك
ردا علي زواريق الفساد
جميل منك هذا التفاؤل ادامه الله عليك نعمة وان يتحقق حلمك وحلمنا
ولك تحياتي ولا سلام مع اليهود

جلال كمال الجربانى يقول...

السلام عليكم ورحمته وبركاته
تحليل منطقى
بس ليه نستبعد مفاجأه من الجيش ممكن
وياخبر إنهارده بفلوس بكره يبقى ببلاش
ماإحنا طول عمرنا منتظرين أبو بلاش

ودمت بخير

Ramy Wasel يقول...

اللؤلؤه
انا متفق معك
ولكن هذا يتوقف على موافقه امريكا على التوريث المباشر
ولو وافقت
يبقى خلاص مفيش فايده
الا لو حصلت معجزه والشعب عمل ثوره

نورت المدونه

Ramy Wasel يقول...

بيرم المصرى
منور المدونه
والف حمد لله على السلامه
واحنا مفضلش غير الامل نتمسك بيه

Ramy Wasel يقول...

واحد من العمال

كنت فين يا راجل
وحشنا زيارتك لينا

منور المدونه والله

وبخصوص ثوره الجيش
ده من ربع المستحيلات
اولا لان النظام اتعلم من خطأ الملك فاروق
وغير كده
الجيش بيفتن على بعضه

والمخابرات مراقبه كل التحركات
ولو واحد فكر بس انه يعمل حاجه
حيسافر على اول طياره
لورا الشمس
ومش فاضل غير ثوره الشعب

Israa El-sakka يقول...

بص بقى يا وائل أنا فعلا أتعليت و أتشليت من البوست مش عشان اللي أنت كاتبه ..لكن من الحقيقة المهببة الي إحنا عايشنها يعني إحنا ضيعة أبوهم بعملوا فيها ...شعب مش مديونوا حتى الحق أنه يقرر يتحكم إزاي ...و كأن البلد دي مش لينا انت قلت بيت القصيد
إحنا اللي عملنا كده ...عمر سليمان جمال مبارك مش فارقة كلهم من ريحة مولانا السلطان

تحياتي و مستنية جديدك

Ramy Wasel يقول...

والله يا اسراء
العيب مشعليهم
الغيب علينا
وقالوا فى الامثال
يا فرعون ايه فرعنك
قال ملقتش حد يلمنى

واحنا طول ما احنا ساكتين
حيسوقونا زى قطيع الغنم

وسكوتنا هو السبب

منوره المدونه

Soul.o0o.Whisper يقول...

السلام عليكم و رحمة الله و بركاته

بأشكرك جدا بجد على زيارتك
و أتمنى دوام التواصل
و عذرا على التأخير


بالنسبة لموضوع التوريث
بصراحة مش قادرة أعطى رأى معين بخصوصه

يعنى حتى لو جمال اتحط على الكرسى
اعتقد هيتحط منظر
مش لأنه عاوز الحكم

مش عارفة رايى دا صح و لا غلط
بس أنا بردوا رأيى إننا اللى عملنا كدا فى نفسنا


دمت بود

Ramy Wasel يقول...

Soul.o0o.Whisper

منوره المدونه ومشرفتنى

ومنتظر ردودك دائما

micheal يقول...

في بلدنا كل شيء جايز..لا تستبعد أي شيء
وممكن برضه يفرضوه علينا أم رواقع بدون سيناريوهات
تحياتي

Ramy Wasel يقول...

micheal
كلامك ممكن يحصل
احنا بلد العجايب
ومفيش حاجه غريبه علينه
وارجع واقول
كل الطرق تؤدى الى جمال

منور المدونه دايما