قامت المظاهرات فى ايران بعد اعلان فوز احمدى نجاد على موسوى
وقام انصار موسوى بأحتجاجات كبيره وتصدت لهم الشرطه
وسقط عدد من القتلى والجرحى
ومع ذلك لم تخمد المظاهرات ضد تزوير الانتخابات
وسواء اتفقنا او اختلفنا مع نظام المرجعيه الفقهيه فى ايران واتباع الخومينى
ولكن يجب ان نحيى الشعب الايرانى على القدره على التعبير عن رأيه
على الاقل كان هناك اكثر من مرشح قوى على الرئاسه
وكان للشعب القدره على التعبير عن رأيه والاختيار
وعندما شعروا بالظلم والتزوير
هاج الشعب الايرانى وخرج فى مظاهرات كبيره
ولم ينكسر امام ارهاب الدوله
حتى وصل حكم مرجعيه الامام الى المحك
وقد يسقط النظام امام المظاهرات الايرانيه
مثلما سقط حكم الشاه
ولكن نحن فى مصر
نحب الصمت
ونتبع المثل الصينى
وقام انصار موسوى بأحتجاجات كبيره وتصدت لهم الشرطه
وسقط عدد من القتلى والجرحى
ومع ذلك لم تخمد المظاهرات ضد تزوير الانتخابات
وسواء اتفقنا او اختلفنا مع نظام المرجعيه الفقهيه فى ايران واتباع الخومينى
ولكن يجب ان نحيى الشعب الايرانى على القدره على التعبير عن رأيه
على الاقل كان هناك اكثر من مرشح قوى على الرئاسه
وكان للشعب القدره على التعبير عن رأيه والاختيار
وعندما شعروا بالظلم والتزوير
هاج الشعب الايرانى وخرج فى مظاهرات كبيره
ولم ينكسر امام ارهاب الدوله
حتى وصل حكم مرجعيه الامام الى المحك
وقد يسقط النظام امام المظاهرات الايرانيه
مثلما سقط حكم الشاه
ولكن نحن فى مصر
نحب الصمت
ونتبع المثل الصينى
اجلس على شاطئ النهر
وانتظر ان يحمل التيار جثه عدوك
وانتظر ان يحمل التيار جثه عدوك
نتعرض للظلم
ولا احد يتحرك
الفساد فى كل مكان
ولا حياه لمن تنادى
عدنا الى الملكيه وتوريث الحكم
وكأن شئ لم يكن
يموت سنويا الالاف بسبب الفساد فى العبٌارات وحوادث الطرق ومن الجوع
ولا احد يتحرك
كنا نعيب على الشعب الايرانى اشياء كثيره
ولكننا لا نستطيع ان نفعل مثلهم
ونثور على الظلم والتزوير
لدرجه ان يرتدى 4 من لاعبى المنتخب الايرانى شارات خضراء على معاصمهم فى اخر مباره
لون انصار موسوى ليعلنوا تأييدهم له
وطبعا هذا يعتبر من المستحيل ان يحدث فى مصر
وان يعلن لاعب مثلا اعتراضه على السيد الرئيس
فهذا ضربا من الخيال
وفى ايران
تخرج النساء فى مظاهرات فى الشوارع
وفى مصر يجلسون ويطلبون كوته بمجلس الشعب
وادينا قاعدين على شط النيل
فهل يحمل النيل جثه البعيد
اشك
عسى ان نتعظ من الشعب الايرانى
ونفعل مثلهم
ونثور على النظام
فهل يحدث
بالطبع لا
سؤال اخير :
ولا احد يتحرك
الفساد فى كل مكان
ولا حياه لمن تنادى
عدنا الى الملكيه وتوريث الحكم
وكأن شئ لم يكن
يموت سنويا الالاف بسبب الفساد فى العبٌارات وحوادث الطرق ومن الجوع
ولا احد يتحرك
كنا نعيب على الشعب الايرانى اشياء كثيره
ولكننا لا نستطيع ان نفعل مثلهم
ونثور على الظلم والتزوير
لدرجه ان يرتدى 4 من لاعبى المنتخب الايرانى شارات خضراء على معاصمهم فى اخر مباره
لون انصار موسوى ليعلنوا تأييدهم له
وطبعا هذا يعتبر من المستحيل ان يحدث فى مصر
وان يعلن لاعب مثلا اعتراضه على السيد الرئيس
فهذا ضربا من الخيال
وفى ايران
تخرج النساء فى مظاهرات فى الشوارع
وفى مصر يجلسون ويطلبون كوته بمجلس الشعب
وادينا قاعدين على شط النيل
فهل يحمل النيل جثه البعيد
اشك
عسى ان نتعظ من الشعب الايرانى
ونفعل مثلهم
ونثور على النظام
فهل يحدث
بالطبع لا
سؤال اخير :
كم رئيس ايراني تغير على الرئيس مبارك؟
.
.
هناك 24 تعليقًا:
بص يا رامي !
احنا دايما بنقول السكوت من ذهب لما يبقي اللي قدامك اقوي منك !:D
اما لالنسبة لسؤالك مش عارف كام رئيس اتغير
بس يا راجل تهون عليك العشرة !؟ انا مولود في حكم الرئيس مبارك و عمري دلوقتي 22 سنة و ماشي في ال 23
بذمتك هانت عليك العشرة يا راجل !؟
دي حتي العشرة متهونش الا علي ولاد الحرام !:D
متفرجتش ع التجربة الدنماركية ! العيال بيحبوا الوزرا زي امهم :D
ايه يا عم رامي
لا احنا بنتكلم ونهاتي
بس حكومتنا
ماشاء الله عليها
سايبانا نتكلم
يعني هو الكلام بفلوس
لكن لو واحد اتجرأ وعمل مظاهره
يبقي ليلة ابوه طين مطينه بطين
عمرك شفت
الساده رجال الامن بيقولو
احنا مش ضد المظاهرات السلميه
بس لازم تكون بتصريح
يعني لازم تروح تاخد من الحكومه تصريح
عشان تعمل مظاهره ضد الحكومه
لا وشوف ايه المطلوب في التصريح
اولا عدد المشاركين في المظاهره
ياسلام
ثانيا خط سير المظاهره
والشاعارات اللي هترددها
واللافتات اللي هتعلقها
واحتمال يطلبو اسماء المشاركين
وسي في وصورتين
حسرة علينا
و على وكستنا
المعلم محمد صاحب المطعم
فعلا عندك حق
وانا كمان مواليد مبارك
وخايف عيالى كمان يكونوا مواليد مبارك
بس اكيد حييجى يوم وتموت الام
أبو العريف
الحكومه واخده مبدأ
دعهم يتكلمون كيف يشائوا
ودعنا نسرق كما نريد
والعمليه ماشيه زى الفل
وبعدين الحكومه قصدها انها تحمى الشباب المندفع للمظاهرات من انفسه
صغار وميدروش يا عينى
والكومه اوعى بمصلحتهم
بدراوى
وكستنا بقت كبيره اوعى
امتى حنفوق
مش باين
بصراحة النظام الإيراني ليس بريئا تماماولا جميلا كما قد يتوهم البعض لأنه يقوم على الخرافة ومايشبه فكرة التفويض الإلهي وفيه شيء من الديكتاتورية والتعصب والسخافةوإن كان يتميز عنا بشيء من الديمقراطية واحترام الفصل بين السلطات إلى حد كبير وعدم تركيز كل السلطات في يد شخص واحد نعم كل هذه ميزات لكن أنا أرى أن وضع مصر هذا هو خير وضع لأن من وجهة نظري طرائق الحكم تتأثر بالتاريخ والجغرافيا والأنثروبولوجيا بل والتشريح فالديمقراطية قد تصلح لشعوب ولا تصلح لأخرى وكذلك الديكتاتورية فمصر بلد حضارة 7 آلاف سنة بحكم الجغرافيا وبحكم ارتباط الفلاح بالأرض والمواقيت والنيل أصبح من الطيور الداجنة التي تفكر تفكيرا منظما ولا تميل إلى المجازفة برزقها أو الثورة ولو على حساب كرامتها ومن هنا أكسبته الأرض صفة العبودية والخضوع والرضا بالاستعباد شراء للأمن وكذلك من جهة التاريخ فقد أرسى الفرعون قاعدته الذهبية المشهورة في الحكم (( ما أريكم إلا ما أرى وما أهديكم إلا سبيل الرشاد))وهي سارية كما تسري الصفات الوراثية حتى الآن وإذا نظرت إلى شعبنا تجد طبيعته لا تصلح لاستقبال الديمقراطية لأنه لا يطيقها فمن نقائض هذه الشخصية رغم رضوخها فإن كل مصري في الحقيقة هو ديكتاتور صغير انظر إلى رئيس العمل مع مرؤسيه انظر إلى الأب في منزله انظر انظر ولوجدت أن المصري لا يحسن الاختلاف مع الآخرين يتعصب لرأية ولا وسطية عنده في الأمور ولا منطقية ولا يعرف فكرة التعايش الفكري لذا أرى أن الديمقراطية لا تصلح معه وهذه في الحقيقة تعد عبقرية من عبقريات الشخصية المصرية التي غفل عنها جمال حمدان وهي رغم ذلك منعت عن مصر شرورا كثيرة ولولا هذه القاعدة لما صارت بلد الأمن والأمان على الأقل مقارنة ببلدان كثيرة جدا تنعم بالديمقراطية أليس كذلك ؟
الكحيان
صحيح ان النظام الايرانى لا يخلو من اخطاء
وعن نفسى
انا لا احب النظام الايرانى
والمرجعيه الفقهيه
ولكن اسلوب تعبير الشعب الايرانى عن ارادته هو المهم
فلا يوجد ديموقراتيه فى ايران
ولكن هناك القدره على التعبير عن النفس
والدفاع عن الراى
صحيح نحن الان لا نستطيع ممارسه الديموقراطيه
ولكن السبب فى نظام الحكم منذ انقلاب 52
زرع الحقد فى نفوس الناس
والتسلط على من دونك
والجبروت على من هو اقل منك
كنا فى العشرينيات والثلاثينيات من القرن الماضى
كنا نمارس الديموقراطيه فى احسن صورها
ونحتاج على الاقل 50 سنه
لنعود كما كنا
ونستطيع ان نمارس مبادئ الديموقراطيه
وانا لا ازال متمسك بالامل ان نعود كما كنا
منور المدونه
اولا عاوزة اخد لفة فعلا بالعجلة اللي فوق الشات بوكس
ثانيا تحليل رائع وفعلا ده كأننا قرايب هههههههههههههههه
ثالثا لا حياة لمن تنادي واتغير خمسمية رئيس كده واحنا كلنا اصل بنحب القديمة ولو كانت وحلة
تحياتي
ستيته حسب الله الحمش
خديلك لفه ببلاش
بس بعد كده اللفه بربع جنيه
واهو الواحد يسترزق وهو قاعد فى المدونه
وعلى رأيك
القديم يحلى ولو كان احول
السلام عليكم و رحمة الله و بركاته
عندك حق فى كل اللى قلته
بنقعد نطلع العبر فى غيرنا
و نسينا اللى بيته من ازاز مايحدفش الناس بالطوب
فعلا مش هنتغير الا بنفسنا
دمت بود
Soul.o0o.Whisper
هو احنا جبنا ورا غير تحديف النلس بالطوب
الأخ رامى
أشكر لك مرورك وأنا لى تفسير شخصى لما يحدث فى إيران من مظاهرات صاخبة وهى أن المخابرات المركزية الأمريكية والموساد الإسرائيلى لهم دور فى هذه المظاهرات سترد عليه قائلاً يجب علينا ألا نضع كل حدث إلى نظرية المؤامرة سأقول لك إن أمريكا وإسرائيل يريدون التيار الإصلاحى فى إيران هو الذى يمسك بزمام الحكم فى إيران لا التيار المتشدد وبالتالى فهم لهم مصلحة فى قيام تلك المظاهرات
أما عن الروساء الإيرانيين الذين تولوا الحكم فى عهد الرئيس مبارك على حد ذاكرتى فهم هاشم رفسا نجانى ومحمد خاتمى وأحمدى الجاد
دمت بكل الخير
أشكر لك دوام التواصل
اللؤلؤة
اولا منور المدونه
ثانيا
بخصوص نظريه المؤامره
قد تكون موجوده بالفعل فى الشأن الايرانى
ولكنها لن تفلح الا اذا وجدت من لديه القدره على التعبير
بدليل فشلها فى مصر
ورغم حرص اسرائيل وامريكا على ذلك
ولكننا شعب لا يتحرك
كما اننا ايضا نريد التيار الاصلاحى ان يمسك الحكم فى ايران
وهذا من مصلحه مصر
ومن مصلحه اسرائيل ان يمسك الحكم تيار متشدد
لانه يخدم مصالحها
ويجعلها تتحجج به امام العالم
وعن العدد
يعنى حيبقى ده رابع رئيس
لان نظام نجاد لن يستطيع الاستمرار بهذا الشكل
واخنا داخلين على 30 سنه فى حكم واحد
السلام عليكم
كيفك يارامى
والحراك الشعبى فى إيران هو الحدث
وليس الديمقراطيه الإيرانيه
لأن ديمقراطيتهم ديكوريه كديمقراطيتنا
ولكن هل تؤثر تلك الإحتجاجات على نتيجه الإنتخابات .. لا أظن فالنظام هناك راسخ ومحمى بقوات الحرس الثورى الغشيمه
وعقبال عندنا لم الناس تفوق وترفض على الأقل تزوير إرادتها
ودمت أخى بخير
واحد من العمال
الحمد لله
منور المدونه
بيتغيب علينا ليه كده
ويا رب تكةن بخير
وانت معك حق
فايران مثل معظم دول العالم الثالث
لا يوجد بها ديمقراطيه
ولكن كما قلت
بها حراك شعبى
وهذا ما نريده فى بلادنا
بدلا من حاله الروقد القاتل الذى نعيشه
وليس مهم ان تؤثر المظاهرات فى النتائج
رغم اننى اشعر انها سوف تؤثر
ولكن بعد فتره
واول الغيث قطره
هذا هو الفرق
عجبنى جدا تعليق صاحب النعت الكحيان...فعلا الشعب المصرى ليه تركيبه غريبه بتستمرىء الظلم والطغيان ,لو بصيت على تلعيق المصريين فى موقع مصراوى مثلا على التظاهرة بتاعت كفايه الى الغتها الحكومه ومت\نعتها هتشوف العجب العجاب الى كان اغربها تحليل واحد من عباقرة شعبنا الى استدل على الإختراق الامريكى للمعارض والمجتمع المدنى المصرى بقيام مظاهرة مؤيده للمعارضه الإيرانيه,وشوف مثلا موقف اغلب المصريين حاليا من أيمن نور وارجع بذاكرتك لشهور قليله يوم ضرب غزة وموقف جزأ ضخم ان مش كان اأضخم من شعبنا العزيز الذيذ الى بيأيد فيه موقف الطاغوت مبارك وانا اقسكك يمين مقدس إن لو كان فى حاكم تانى ووقف مع غزة إن برضه شعبنا كله هيكون وراه,بصراحه يا عزيزى شعبنا عايز فترة زى فترة التيه بتاعت بنى إسرائيل عشان يقدر يغير من طبيعته المستعبده,حاول تقرا كتاب اعتقد انه متوفر على النت اسمه تراث العبيد فى حكم مصر,بالنسبه لإيران يقينا صعب نقف مع نظام بيعتمد على مرجعيه دينيه فاشيه زى نظام طهران لكن أكيد وجود انتخابات ومظاهرت علنيه شىء اكتر من الممكن تصوره فى بلاد العرب السعيده وتخيل لو مظاهرة بالشكل دة خرجت فى بلد من بلادنا؟
رامي عاجبني اوي تاجير العجل ده
و انا رديت علي موضوع باباك هههههه
بقولك ايه هو انت
مشرف روائع الروايات والشعر ومنتدى المخابرات !؟
أبو نزار
منزر المدونه
ويا رب تكون عجبتك
والشعب المصرى فقد الامل فى التغيير
مما اصابه بحاله لا مبالاه وخمول تام
والانفصال عن الواقع
وخوفا من زبانيه الحكم
وانت تعرف من يتم اعتقاله ماذا يدث له
رجعنا لعصر صلاح نصر
واسوء
ونحتاج الى خمسين سنه على الاقل لنعود كما كنا قديما
نكون ذو وجود ايجابى
ويكون لدينا القدره على الاعتراض
وطبعا من المستحيل ان تخج المظاهرات فى مصر
او معظم البلاد العربيه
كحال ايران
المعلم محمد صاحب المطعم
انت عارف ان الاجازات بدأت
والواحد لازم يعملوا قرشين ينفعوا
يأجر عجل
يبيع جرايد
اى سبوبه على الماشى
وانا المشرف فى منتدى روايات
منورنى يا حج محمد
مع احترامي لوجهة نظرك يا باشا وتفهمي ليها بس الله أعلم ايه اللي حصل في إيران بالضبط إنما عامة أنا مقتنع أننا من أكثر الشعوب سلبية
:)
تحياتي
micheal
منور يا مايكل باشا
وانت عندك حق
احنا اصبحنا شعب سلبى جدا
رغم ان التاريخ يقول عنا غير ذلك
بس بأذن الله حنتغير
السلام عليكم
اوك حنغض النظر عن راينا بايران
ونيجي للمظاهرات الي بتتكلم عنها
متنساش انو اترشح اتنين اقوياء
وكل واحد ليه جمهورو
لما انشالله يترشح قدام
الولى مبارك حد
ابقى قول انو انتم سلبيين
مهو محدش مترشح طبعا
الا اذا كنت انت ناويها
مع اني مش مصرية
بس حاجي انتخبك برضو
تحياتي
سمسم
مش موضوع سلبيه
نن دائما وراء الزعيم القائد المفدى
مهيب الركن
يعنى اللى يفكر يدخل قدامه بشكل حقيقى ومؤثر
حيروح مشوار بسيط لغايه المعتقل
وحيتأكد بنفسه ان صلاح نصر لسه عايش
إرسال تعليق