فكرت اصحى بدرى
علشان الحق طابور السرقه من الاول
اهو منها تغيير مهنه
ومنها اكسب قرشين حلوين زى اخواتنا الوحشين
طبعا مش قصدى السرقه التافه
ام 6 شهور سجن او حتى 6 سنين
ده لعب عيال
ومن رأيي اللى بيسرق بالشكل ده
مش يقطعوا دراعه بس
لا
ده يسنحق الشنق
على غبائه
المهم
قلت ادور على حاجه اسرقها تعملى كام مليون على السريع كده
مسح زور يعنى
وصحيت بدرى
وادور على حاجه اسرقها
مش لاقى
البلد خلصت سرقه يا جدعاااااااان
التوكيلات مسروقه كلها
الاستيراد مسروق كله
الاراضى مسروقه كلها
طيب اسرق ايه
البلد خلصت خلاص
يعنى مفيش اى فرصه للشرفاء امثالى علشان يكونوا نفسهم
ولا بنك حتى اخد منه قرض واخلع
الكلام ده بقى موضه قديمه
فضربت فى دماغى فكره جامده
اسرق القمر
ما الارض كلها خلصت سرقه
يبقى نتطلع الى الفضاء الخارجى
لنبلور مرحله جديده فى عالم السرقه
(ما احنا برضه اهوا)
بس للاسف فشلت برضه فى السرقه
لان لاقيت غيرى صحى من النوم قبلى وسرقوا القمر
وخلاص حيعملوا خط ميكروباظ (عتبه -نيويورك- قمر)
الرحله ب20 مليون دولار
وناس كتير حجزت للرحله
ومش عارف حتى اطلع معاهم
طيب اسرق ايه يا جماعه
يعنى حتى الانحراف مش فالحين فيه
يعنى اعمل ايه بس
انتحر رميا على البلاط
...........
اعتذار
بعتذر لكل الاصدقاء
لعدم قدرتى على متابعتهم
ولكن لظروف العمل
وكل سنه وانتم طيبين
رمضان كريم
اعتذار
بعتذر لكل الاصدقاء
لعدم قدرتى على متابعتهم
ولكن لظروف العمل
وكل سنه وانتم طيبين
رمضان كريم
هناك 17 تعليقًا:
ازيك يا رامى
اخبارك ايه
تعليقى هو مقولة لكاتب ساخر
بيقول
ولاد الحرام مخلوش لولاد الحرام الثانيين حاجة
:-)
رامي باشا واصل
انا لسه واصل حالا
واحب اقولك اني مبسوط واصل اني لجيتك اهنه
وكل سنه وانت طيب
والف حمدالله عالسلامه
وبلاش تغيب علينا كده
تاني
تحياتي
رمضان كريم
أعاده الله عليكم وجميع الأهل والأحبة بايمن والخير والبركة
الحب بين العرب فطرة وشئ مألوف
ولا يحسدوه من الخلق غير القرد والحلوف
ايه يا رامي
يعني عايز تغير و تبقى رامي الحرامي
المثل بيقول ان عشقت اعشق قمر و ان سرقت اسرق جمل
شكلك عشقت جمل فكنت حتعوض و تسرق قمر
تحياتي
السلام عليكم
كل سنة وانت طيب
ينعاد علينا وعليكم بالخير
اسرق رمضان
تبقى سرقة ومكسب كمان
طيب هم اذا مخلوش حاجة تتسرق
حيسرقوا ايه بعدين
اكيد حيصابو باكتئاب
ويموتو
وبعد كده ارجع اسرقهم
تحياتي
ههههه يعني هي كمان نافصة يسرقوا القمر طب حتسبلنا إيه
رمضان كريم يا رامي و مغلش انا كنت مش بسأل كنت برمي البوست و أجري
و رمضان كريم و كل سنة و أنت طيب
هههههههههههههه..حتي السرقة سرقوا حقنا فيها
:))
يا باشا والله ساعات كتير بقول كتر خير البلد دي..كل ده بتتسرق ولسه موجودة
:)
تحياتي
بجد تشبيهة جميل اوى صديقى رامى
يا رب يكون رمضان مبارك عليك
تحياتى
كيف حالك يارامى
بقى كنت ناوى تسرق القمر !!!
طيب أنا عندى إقتراح كويس
نطلب من الساده الحراميه اللى مخلوش حاجه مسرقوهاش
يخدوا أجازه سنه واحده بدون مرتب
تصور ساعتها الخير حيبقى قد إيه ..وحيكفى الكل وحيفيض كمان
وساعته مش حتدور على القمر وعلا على النجوم
وكل سنه وأنت بخير وبصحه
عيد فطر مبارك يا رامى
:-)
عيد فطر مبارك يا رامى
:-)
كل سنة وأنت طيب يا باشا
عيد سعيد
هات كحك بقى
تقبل الله منا ومنك ياسيدي . ما عدت تزورنا كان الله في العون. كويس أنت الآن بدأت تفكر تفكيرا إبداعيا وهذا إيجابي في حد ذاته بصرف النظر عن كونه سرقة، لكن بما أن السرقة بلغت حد التشبع وأصبح عندنا أزمة انفجار لصوصي فعلى طريقة تحديد النسل من الممكن أن نقوم بسرقة من نوع فريد ألا وهي سرقة أرواح هؤلاء اللصوص ومن ثم نستمتع نحن بما سرقوه . أحلام يقظة احلم نحلم معك الإبداع والتقدم يبدأ بالأحلام فما قولك في سرقة السارق لأجل المسروق ؟
ازيك يا رامى
فينك
يارب تكون بخير
ليك وحشة
كيفك رامى
كيف حالك
طال الغياب
مش معقول الغيبه دى كلها
أنت زودتها قوى
ويارب يكون المانع خير
ودمت أخى بخير وبتدوين
رميا على البلاط ؟!!
ازيك يا رامي
إرسال تعليق